ආරම්භය !

පුංචි අපට ඉඩක් දෙන්න වැඩසටහන නිල වශයෙන් 2015 නොවැම්බර් 15 දින සවස 2:00 ට කැලණිය විශ්වවිද්‍යාලයේ ජනසන්නිවේදන අධ්‍යනංශයේදී නිල වශයෙන් ආරම්භ කළ බව ඔබ සැමට සතුටින් දන්වා සිටිමු. ඉදිරි කාලයේදී 5 ශ්‍රේණියේ ශිෂ්‍යත්ව විභාගය සඳහා පෙනී සිටීමට සුදානම් වන දරු දැරියන්ටත්, ඔවුන්ගේ දෙමාපියන්ටත්, 5 ශ්‍රේණිය සඳහා අධ්‍යාපනය ලබාදෙන ගුරු භවතුන් වෙනුවෙන් වැඩසටහන් සංවිධනය කිරීමට කටයුතු යොදා ඇත. එන්න, එක්වන්න අප සමග. අප වෙනුවෙන් නොව ඉදිරි මතු පරපුර වෙනුවෙන්.  

පරිසරයෙන් ඉගෙන ගැනීමට දරුවට ඉඩදෙන්න

     

එන්න අපි හඬ නගමු

හපනුන් වන්නේ 5 වසර ශිෂ්‍යත්ව විභාගය සමත්වූ දරු දැරියන් පමණද? අනෙක් දරු දැරියන් රටට සම්පතක් නොවන්නේද?ලොව වෙනස් කළේ උසස් ලෙස විභාග සමත් වූවන් නොවන බව ඉතිහාසය තුලින්ම උදාහරණ ගෙන දැක්විය හැක.  පහසුකම් ඇති පාසල් සහ පහසුකම් නැති පාසල් ? ජනප්‍රිය පාසල් ? මෙම අසමතුලිත පාසල් රටාව, විභාගය මත පමණක් පදනම් වූ අධ්‍යාපන රටාව දැන්වත් වෙනස් කිරීමට බලධාරීන් පියවර ගතයුතු නොවේද? ලොව වෙනත් දියුණු රටවල ඇති ප්‍රථමික, ද්විතීක හා තෘතීක අධ්‍යාපන රටාවන් අධ්‍යනය කොට ළමුන්ට ගැලපෙන නව අධ්‍යපන ක්‍රමයක් ඇතිකිරීමට බලධාරීන්ගේ අවධානය යොමු වේවා ! කුඩා දරු දැරියන්ගේ ළමා කාලය රිසි සේ විඳින්නට ඔවුනට ඉඩ දෙන්න. බුද්ධිමත්ව සිතන්න. එන්න අපි හඬ නගමු.

         

නව ආරම්භයකට ඇරයුම් !

ළමා අයිතිවාසිකම්, ළමා කාලය, ළමයින්ගේ ආරක්ෂාව ආදී මෙකී නොකී ආකාරයෙන් අප ළමුන් වෙනුවෙන් පෙනී සිටීමට වෑයම් කරන්නෙමු. එහෙත් සත්‍ය කුමක්ද? වර්තමාන දරුවන්ට ළමා කාලයක් තවදුරටත් හිමිවී තිබේද? අධ්‍යාපන තරගය නමින් අප විසින්ම සාදාගත් සංකල්පයක් වෙත කුඩා දරු දැරියන් යොමු කිරීම අප විසින් සිදු කරනු ලබමින් ඇත. 5 ශිෂ්‍යත්ව විභාගය එහි එක් ආරම්භයක් පමණි.  මෙහි අවසානයක් නොමැතිද? එන්න ! අපි කතා කරමු, තර්ක කරමු, විසඳුමක් සොයමු, අප වෙනුවෙන් නොව දැනටමත් දෙමවුපියන් වී සිටින ඔබට, දෙමාපියන් වීමට සිහින මවන ඔබට, වත්මන් තාරුණ පරපුරට. එන්න. අප  වෙනසක් කරන්නට උත්සහා කරමු.